Kryetari i Nismës Thurje, Endri Shabani theksoi se ajo që e mban në pushtet Edi Ramën është një platformë që ai ka ndërtuar, e cila duhet të luftohet nga opozita për të ardhur në pushtet. Bëhet fjalë për sistemin zgjedhor, që sipas Shabanit i jep Ramës të paktën 6-7 deputetë më shumë sesa merr nga votat e qytetarëve. Ai shton se nëse nuk do të ishte ky sistem zgjedhor, atëherë Rama do të ishte në opozitë që në vitin 2017.
I pyetur për zgjedhjet e brendshme brenda Partisë Demokratike që pritet të mbahen në datë 13 qershor, Endri Shabani u shpreh se këto zgjedhje janë me rëndësi kombëtare pasi ajo që ndodh brenda partive kryesore është ajo nesër do të ndodhë në Shqipëri kur partia të vijë në pushtet. Për sa i përket një marrëveshje të mundshme Rama-Basha në qeverinë e ardhshme, Shabani thotë se kjo nuk është gjë e keqe nëse bëhet në të mirë të vendit, por ai ka dyshime që mund te ketë vetëm pazare poliktike dhe jo marrëveshje.
Intervista e plotë:
Pyetja: Zgjedhjet PD?
Shabani: Pjesa më e madhe e dinë që do fitojë Lulzim Basha. Kjo tregon ccfarë perceptimi kemi ne për partitë politike. Unë refuzoj ta shoh PD si një ccështje të brendshme. Partitë politike janë institucione publike, janë pasuri kombëtare. Edi Rama vendosi një lloj autokracie në partinë e vet përpara se ta vendoste në Shqipëri. Nëse Lulzim Basha do akuzohet të manipulojë zgjedhjet ne partinë e vetë, aatëherë do vjedhë dhe zgjedhjet e tjera. Pra Demokracia duhet te fillojë brenda partive politike. Përjashtimi i z. Elezit më ka lënë shije të hidhur. Nga ana tjetër kemi PS që e ka hequr fare mundesinë për t’u zgjedhur kryetar. Kemi dhe rastin e Vlorës. Kjo tregon që partitë po kthehen si para vitit 90. Kjo është diktatura. Kjo tregon nevojën që ka Shqipëria për një alternativë.
Pyetja: Bashkëpunim mes PD dhe Ramës?
Shabani: Bashkëpunimi nuk janë domosdoshmërisht gjë e keqe. E bërë për hir të integrimit të Shqipërisë nuk është gjë e keqe. Por duhet qartësi. Problemi në Shqipëri nuk është bashkëpunimi, por bëhet fjalë për pazare. Marrëveshja e 17 majit, ajo e 5 qershorit , ajo e 2008-tës mes Ramës dhe Berishës. Në të mirë të Shqipërisë nuk do të kishte asgjë të keqe. Mbetet tu parë. Por nuk do të ketë bashkëpunim, por vetëm pazar.
Pyetja: Lufta e Opozitës?
Shabani: Lufta për të votuar një sistem demokratik. Unë shpresoj që Lulzim Basha të kuptojë se nuk mundet të rrëzojë Edi Ramën pa rrëzuar platformën mbi të cilën ai qëndron. Sot Edi Rama po qeveris me 6 mandate mbi të tijat. Ka ndërtuar një sistem zgjedhor qëi jep atij 6 deri 7 mandate plus nga ato që merr. Që në 2017 mund të kishim qeveri tjetër. Edi Rama mund të ishte në opozitë. Duke pasur këtë sistem zgjedhor Rama është në pushtet. Sot ccdo deputet që ka guxuar të flasë kundër Edi Ramës ai praktikisht është përjashtuar nga politika, sepse ka një sistem zgjedhor që e përjashton atë. Pra lufta është për një sistem zgjedhor të ri.
Diskutime rreth kësaj post