“Tërmet” në Partinë Socialiste, zbardhet urdhëzimi që do të sjellë ndryshime të mëdha, ja kush do të largohet nga Rama

Kryeministri Rama ka nisur që tani punën që të projektojë qeverinë e re, ku në shtator sipas informacioneve, shumë prej emrave aktualë do të lëvizin. Në Partinë Socialiste do të ketë një reformë totale, pasi drejtuesit politikë në qarqe kanë marrë një udhëzim nga qendra: të ndërrohen të gjithë kryetarët e PS-së në çdo njësi vendore të Shqipërisë.

Diçka të tillë e paralajmëroi ditën e djeshme edhe drejtuesi politik i qarkut të Vlorës, Damian Gjiknuri, i cili tha se Kongresi i PS-së në 2 qershor do t’i hapë rrugë riorganizimit të partisë. Gjiknuri thotë se tashmë vëmendja do të përqendrohet në zgjedhjet e pushtetit lokal, në mënyrë që PS të paraqitet edhe më mirë.