Presidenti Ilir Meta përmes një shkrese zyrtare refuzoi sot sërish ftesën e komisionit Hetimor që është ngritur për shkarkimin e tij, për të marrë pjesë në seancë.
Pas refuzimit të Presidentit Meta, relatorja e çështjes në Komisioni Hetimor, Klotilda Bushka ka thënë se ai mund të thirret me forcë.
“Mungon vullneti i presidentit për të marrë pjesë në këtë komision sepse nuk e njeh dhe e konsideron këtë procedurë fiktive dhe që po keqpërdoret nga ana e maxhorancës. Pra fajtori është prapë Kuvendi dhe komisioni hetimor që po vepron në përputhje me Kushtetutën, po zbaton detyrat nga sovrani, Kuvendi, për një çështje që është e një rëndësie edhe më të madhe, sepse flitet për arsyet e shkarkimit të kërkuar. Del qartë se në shkresë në kemi vullnetin e qartë të Presidentit për të mos marrë pjesë dhe për të mos u bindur këtij detyrimi.
Mendoj që nuk është e nevojshëm të vijojmë me hapat e tjerë. Sepse sipas kodit çdo lloj qëndrimi i personit do të mbahet në konsideratë në vlerësimin e hetimit dhe vlerësimin përfundimtar që do i bëhet. Të gjitha këto akte do merren në konsideratë. Kjo është përgjigjja e asaj që ju kërkuat. Në komisionin e mëparshëm Presidenti ka marrë pjesë. Pra i njëjti Kuvend.
Ne veprojmë në bazë të veprimit të seancës së Kuvendit për ngritjen e komisionit. Jemi legjitimë. Të gjitha pretendimet për mosnjohjen e legjitimitetit të Kuvendit janë të ezauruara. Për sa kohë Kom i Venecias në opinionin për ndryshimin e Kushtetutës, për sistemin zgjedhor e ka thënë e zeza mbi të bardhë që Parlamenti është legjitim.
Për ne rëndësi ka të garantohen të drejtat e palëve në këtë proces, ne i kemi ezauruar”, – deklaroi Bushka.
Edhe Spartak Braho ndahu të njëjtin mendim.
“Ai duhet thirrur me dhunë nesër. Ky është mendimi im. Komisioni i ka të gjitha kapacitetet për kryer hetimet e tij”, – tha ai.
Diskutime rreth kësaj post