KAS mblidhet sot për të shqyrtuar pavlefshmëritë në zgjedhje, Ylli Manjani lëshon deklaratën e papritur

Komisioni i Ankesave dhe Sanksioneve pritet të mblidhet sot në orën 10:00 për të shqyrtuar kërkesat ankimore të Partisë Demokratike dhe Lëvizjes Socialiste për integrim për qarkun e Durrësit.

Aleanca PD-AN ka kërkuar rivotim në të gjithë qarkun duke shpallur të pavlfeshme zgjedhjet aktuale, ndërsa LSI-ja kërkon rinimërim të votave.

Lidhur më këtë avokati Ylli Manjani ka bërë një koment, ku thotë se ky proces ankimor, që PD dhe LSI vijojnë në KQZ nuk ka shumë hije. “PD është pa kryetar. Dmth në garë të brendshme për kryetar. LSI e ka kryetaren në Amerikë. Bën selfie atje..”, – shkruan Manjani.

Postimi i Manjanit:

“Nuk e di po ky proçesi ankimor, që PD dhe LSI vijojnë në KQZ, sikur nuk ka shumë hije.

PD është pa kryetar. Dmth në garë të brendshme për kryetar.

LSI e ka kryetaren në Amerikë. Bën selfie atje..

Si mund ti lexojë ankesat e këtyre partive KQZ në këto kushte?!

Zgjedhjet nuk janë punë avokatësh, sado të zotë qofshin këto të fundit.

Nejse, kështu më duket mua…” – shkruan Manjani.