Luis Suarez është shfaqur i emocionuar pas triumfit në La Liga. Suarez shënoi golin e fitores ndaj Real Valladolid ku më pas “Los Colchoneros” u shpallën kampionë të La Ligas. Uruguaiani shënoi 21 gola në këtë sezon për ta ndihmuar skuadrën që të fitojë titullin.
Pas ndeshjes, ai u shpreh i kënaqur me fitoren e titullit, ku falënderoi familjen, miqtë dhe u përkujdes të kujtonte se Barcelona e largoi atë vetëm për Atleticon që t’i japë shans për ta dëshmuar vetën.
“Puna ime është ta ndihmoj skuadrën, duke shënuar gola apo në çfarëdo mënyrë të mundshme”, – tha ai.
“Atletico Madridi pati një vit fantastik pavarësisht vështirësive të cilat patëm në një fazë të La Ligas. Ne jemi kampionë!”, – shtoi ai.
“Pjesa e parë nuk ishte normale nga ne, por ne ishim të përgatitur të vuanim si skuadër. Barcelona më largoi dhe Atletico më hapi dyert për të dëshmuar vetën sërish”, – përfundoi Luis Suarez.
Ky është titulli i parë i Atletico Madrid që gjashtë vite në La Liga, herën e fundit ata u shpallën kampionë në vitin 2014.
Diskutime rreth kësaj post