Ish-sekretari i Përgjithshëm i PD-së, Arben Ristani ishte i ftuar mbrëmjen e djeshme në emisionin “Arnautistan”, ku ndër të tjera iu përgjigj edhe pyetjes se përse këmbëngul Sali Berisha për të qëndruar në politikë edhe pas shpalljes non grata nga DASH. Demokrati Arben Ristani iu përgjigj duke thënë se preferon të besojë atë që vetë ish kryeministri deklaron.
Ristani tha se pavarësisht rëndësisë që kanë si personazhe, nuk i bëjnë mirë politikës “kur ngulen dhe nuk ikin”. Ai shtoi se duhet krijuar hapësirë për të rinjtë duke lënë të kuptohet se ka ardhur koha që një pjesë e mirë e tyre të largohen.
Deklarata e Ristanit:
“Arsyeja përse qëndron unë dua të besoj atë që ai thotë, për shkak të vokacionit që ka për politikën, por nuk i bëjnë mirë politikës në Shqipëria ata që ngulen dhe nuk ikin. Është Rama që ka mbi 20 vite, Meta po ashtu, Basha po ashtu. Duhet të krijohet hapësirë për të rinjtë. Unë e shoh kështu. Kemi dashur të krijojmë demokraci në këtë vend dhe nuk ia kemi dalë. Flitet shumë për demokracinë në vend dhe aspak për demokracinë brenda partive. PD ka probleme me demokracinë e brendshme, PS po ashtu edhe LSI. Pushtetarët ndërrohen, që të marrim shembull nga SHBA nuk është aspak gabim. Presidentët në Amerikë mund të thonë akoma ky. Megjithatë formulimi është i rëndë po ai po kërkon drejtësi dhe unë dua shumë të jetë i pastër dhe të lërë trashëgimi të mirë në PD”, the Ristani.
Diskutime rreth kësaj post