Gjatë seancës së djeshme në Kuvend, deputeti i Partisë Demokratike të Kosovës, është fotografuar teksa shkëmbente mesazhe për Pazar të tokave. Në bisedën që deputeti shkruan me personin tjetër ka mesazhe ku Haliti shkruan nëse një person i tretë ka paguar lekët për tokën.
“Pyete sa lekë i ka dhënë nga xhepi i tij. Dane për mu ka të doni. Edhe për vneshta merruni vesh”, i thotë Haliti personit tjetër nëpërmjet mesazheve.
Sipas mediave kosovare, Haliti është kapur në Kuvend edhe duke parë plane shtëpish dhe është pyetur se për çfarë saktësisht ka komunikuar në telefon me personin që mban mbiemrin e tij, por ai ka refuzuar të tregojë. Ndërsa për media tani ka thënë vetëm që ka parë planë shtëpish nga ‘Facebook’-u.
“Plane shtëpish kam pa, të dërguara në fb tim. Tani po ua dërgoj edhe juve që t’i shihni”, ka thënë Haliti
Deputeti nuk ka dhënë asnjë shpjegim se për çfarë pazari kanë diskutuar në ËhatsApp, por sipas fotove, deputeti shihet se planet e shtëpive i ka përcjellë tek personi me të cilin ka komunikuar vazhdimisht. “Ndërsa për kontrollin e telefonit tim ju s’keni të drejt ta bëni. Është shkelje e privatësisë. Telefoni im është privat”, ka thënë Haliti.
Në deklarimin e pasurisë të vitit 2019, të bërë në Agjencionin Kundër Korrupsionit, ai shihet se ai ka mbi 1 milion euro pasuri të paluajtshme. Në një bankë, zyrtari i PDK-së ka deklaruar se ka 146 mijë e 362 euro të gatshme, ndërsa nuk ka asnjë borxh, derisa deklarimi i pasurisë për këtë vit ende nuk është publikuar nga AKK, ndonëse shumica e zyrtarëve të lartë shtetërorë, i kanë dorëzuar formularët e pasurisë, ashtu siç e parasheh Ligji.
Diskutime rreth kësaj post