Ish-kreu i Aleancës Kuq e zi, Kreshnik Spahiu ka dalë me një reagim të fortë në rrjete sociale, pas vendimit që komunikoi dje ish-kryeministri Sali Berisha për të mos u tërhequr nga politika dhe se do të niste një padi ndaj zyrtarit të DASH që e shpalli ‘non-grata’.
Komenti i plotë:
“10 arsye: Pse Berisha duhet të shpallet kryetar i PD në 13 qershor dhe mos fshihet më, pas emrit të Lulzim Bashës?
Sali Berisha nuk u shpall Non-Grata nga Amerika, s’e ka bërë ca lek, apo se është milioner, pasi të korruptuar janë miliona dhe miliona zyrtar në gjithë botën por:
Sali Berisha u shpall Non-Grata për dy arsye:
– Ka ngritur sistem dhe mekanizëm korrupsioni dhe abuzimi për pasurimin e familjes, aleatëve, dhe bashkëpunëtorëve të tij.
– Ka ngritur një rrjet dhe mekanizëm agresiv dhe mafioz që me një fjalë “goje” kontrollon dhe minon sistemin demokratik dhe politik në Shqipëri.
Këto 8 vitet e fundit janë më të errëtat e historisë politike sepse Berisha ndryshe nga 22 vitet e tjera nuk pati burrërinë ti drejtonte gjërat vetë, por inskenoi tja faturonte Lulzim Bashës dhe Ilir Metës.
Këto 8 vitet e fundit Sali Berisha hidhte gurin dhe fshihte dorën.
Këto 8 vitet e fundit Sali Berisha nuk ishte kryetar por kumbar i opozitës shqiptare por edhe i Presidencës.
Këto 8 vitet e fundit ai e menaxhoi opozitën me mekanizmat e një organizate mafioze, ku padrino nuk e ka emrin e tij, në administrimin e bizneseve por i vendos ato në emër të tjerve.
Këto 8 vitet e fundit ai mori peng opozitën dhe me emrin e Lulit pastroi dhe largoi çdo personalitet.
Këto 8 vite ai deformoi totalisht misionin historik të Partisë Demokratike e cila u krijua nga studentët dhe fryma perëndimore, në një parti totalisht anti-amerikane
Këto 8 vite ai mbajti në parlament vetëm ata që ishin ortak dhe u pasuruan në biznese së bashku.
Këto 8 vite ai shkatërroi edhe pluralizmin politik, duke djegur gjithë opozitën në parlament vetëm sepse familja e tij nuk kalonte dot oqeanin Atlantik.
Ambasadorët e SHBA dhe BE u detyruan ta bojkotonin çdo takim me Berishën në 3 vitet e fundit jo sepse ai ishte i korruptuar por sepse ai nuk lejonte Bashën të ishte kryetar real.
Ambasadorët zhgënjeheshin nga çdo takim me Bashën sepse ai s’merrte dot asnjë vendim pa i dhënë leje padrino.
Perëndimi po përballej me një organizatë që kishte humbur funksionet dhe misionin politik që u ndërtua.
Sali Berisha dje deklaroi se: “Nuk do lejonte që Shqipëria, të bëhej shtet i 51 i SHBA dhe s’mund qeveriset nga një guvernatore amerikane si Yuri Kim”
Berisha dje kërcënoi Amerikën se do mbrohej nga Franca duke e mbyllur karrierën atje ku e filloi misionin e tij anti-shqiptar në Paris.
Berisha dje deklaroi se nuk ka asnjë ndikim në vendimet për bojkot zgjedhjesh, djegie mandatesh etj.
Kjo është paburrëria e Sali Berishës, që dështimet ja faturon Bashës dhe sukseset vetes.
Ai e mban Bash?n kryetar sepse ego e tij nuk e pranon humbjen.
Ai e mban Bashën kryetar sepse ai ishte përgatitur që ta përdorte si kamikaz kundër Amerikës
Ai e mban Bashën kryetar si një mburojë anti-plumb që ta marr ai goditjen dhe “plumbat” i pari.
Ai e mban Bashën kryetar sepse perëndimi nuk ja pranon që ai t’ja kaloj fëmijve të tij drejtimin e opozitës.
Ai e mban Bashën kryetar, sepse ky i fundit bën çdo gjë çfarë duan fëmijët e Berishës.
Për këto arsye akti i fundit burrëror që mund të bëjë Berisha është ta rishpall veten kryetar të Partisë Demokratike dhe të marr përgjegjsinë e një sfide të hapur kundër amerkianve në Shqipëri. Është koha që ai dhe familja e tij gjysëm serbe të kthehen në origjinë.
Është akti i fundit burrëror që mund të bëj, para vdekjes politike dhe ç’burrërimit historik q? i bëri Amerika.
Ai duhet ta varros edhe partinë në emër të tij dhe jo me testament brenda familjes apo krushqisë……
Boll aktrove dhe bëre teatër….” – shkruan Spahiu.
Diskutime rreth kësaj post