Ish-anëtari i Këshillit Kombëtar të PD zbulon se çfarë po e tmerron Lulzim Bashën: Është në panik

Edvin Kulluri, e quan Lulzim Bashën “hajdutin më të madh të votave në Partinë Demokratike”.

Ish-anëtari i Këshillit Kombëtar të PD, Edvin Kulluri e quan kryedemokratin Lulzim Basha, hajdutin më të madh të votave në Partinë Demokratike.

Kulluri tha se PD ka nevojë fillimisht për reformim.

“Si mund të besohet ai njeri? E vërteta është se PD nuk ka humbur katër palë zgjedhje, ka humbur pesë. Basha është i trembur. Kjo u vu re ditën e djeshme, në mbledhjen e Kryesisë. Hapat që ka ndërmarrë i ka bërë nga paniku. Edhe mosfutjen në zgjedhje, e bëri nga frika se do humbte. Jam i sigurt që Basha do të fusë duart edhe në listat e anëtarësisë. Është hajduti më i madh i votave demokratike. PD është një parti që jeton në iluzion, gënjeshtër, për faj të liderit. Basha ka marrë vetëm 9 për qind të votave të koalicionit të djathtë në Tiranë. Ky njeri merr vetëm 3 mijë vota më shumë se Agron Shehaj. E shikoni se në çfarë pike është katandisur reputacioni i tij. Si kërkon të jesh lider për herë të pestë kur të votojnë vetëm 9 për qind e votuesve tanë”, – u shpreh Kulluri në Vizion Plus.