Arjan Çani komenton vendimin e Lulzim Bashës për të mos dhënë dorëheqjen: Po të isha në vend të tij do kisha ikur

Gazetari Arjan Çani është shprehur se do të kishte dhënë dorëheqjen e parevokueshme nëse do të ndodhej në vend të kryedemokratit Lulzim Basha.

Çani vlerësoi Bashën duke e quajtur “njeri normal” por që sipas tij, ka përballë një “njeri multidimensional”, si kryeministri Edi Rama.

Çani tha se arsyeja pse Basha s’e dha dorëheqjen, ndoshta lidhet me ambiciet që ai ka.

“Bashën e konsideroj një njeri me thelb pozitiv, një njeri normal që mund të ishte kryeministër në çdo vend. Fati i keq i tij është që përballë nuk ka një njeri normal, por një njeri multidimensional. Kur jepet dorëheqja në kushtet e Bashës duhet të ishte e parevokueshme, pas kësaj që ndodhi po të më pyesni mua, me kaq ambicie sa kam do kisha ikur. Ai mbase ka më shumë ambicie.”, tha ai.