“Ik ti të vij unë!” Përplasjet brenda PD-së për kreun e partisë, Manjani del me reagimin e fortë dhe ka një paralajmërim: Ça quhet kjo?

Ish-ministri i Drejtësisë, Ylli Manjani ka dalë me një reagim të fortë në rrjetet sociale pas luftës së brendshme që po zhvillohet në Partinë Demokratike për postin e kryetarit.

Manjani shkruan se duhet të mësohemi me garën e konkurrencën dhe të mos merremi me njëri-tjetrin, duke thënë se ‘fajin e ka ai tjetri’.

Postimi i plotë:

“Rama ik”- se s’të mundim dot.

“Basha ik”- se as ty s’të mundim dot.

Ik ti të vij unë!

Ça quhet kjo?!

Garë?! Demokraci?!

Jo, or jo!

Duhet të mësohemi me garën e konkurrencën. Prandaj kanë rëndësi rregullat e ndershme e të drejta të garës. Me rregullat që të japin hakun dhe asgjë më shumë sesa të jep vota.

Në fakt, askush nuk merret me deformimin e rregullave, as me prezantimin e rregullave të reja të ndershme. Si brenda edhe jashtë partive njësoj. E njëjta sëmundje.

Të gjithë merren me njëri-tjetrin. As me veten jo…

Është më e thjeshta të thuash “fajin e ka ai tjetri”… Për fat të keq edhe më e besueshmja…” – shkruan Manjani.