Gazetari i njohur paralajmëron “fundin tragjik” të Ilir Metës: Tek presidenti ka diçka që nuk shkon mirë! Ai ka marrë fund

Për gazetarin Ben Andoni publikimi i mesazheve personale me ambasadoren amerikane Yuri Kim, nga ana e presidentit Ilir Meta është skandaloze.

Andoni u shpreh se, me sulmet ndaj SHBA-së Meta prishi imazhin ne Shqipërisë në sytë e ndërkombëtarëve. Opinionisti tha se do të jetë e vështirë për ta shkarkuar Metën, por nga ana politike presidenti dhe grupi i tij i LSI-së kanë marrë fund.

“Është shkelje e kodit që ekziston mes ambasadës amerikane dhe segmentit të pushtetit tonë, në këtë rast pushtetit të presidentit. Ajo ka kontakt shumë të ngushtë me grupet e sistemit të drejtësisë që po reformohen dhe në momentin që këto shkelen ka reagime. Po është skandaloze publikimi i mesazhe të ambasadores nga ana e Metës. Kjo nuk është vetëm shkelje e tij. Kjo tregon se tek ai ka diçka që nuk shkon mirë. E keni parë te reagimet e bashkëshortes së tij, por edhe të familjarëve, që linin shteg për këtë. Është keqardhje e madhe. Por gishti i parë duhet t’i tregohet zotit Rama, sepse ai e njihte shumë mirë këtë njeri dhe e mori mesazhin para se ai të ulej në Presidencë. Rama kishte mënyra të tjera për ta djegur Metën. Presidenti ka prishur imazhin e vendit. Në këtë fazë është fundi i tij, edhe nëse nuk e shkarkojnë. Unë besoj se do të jetë shumë e vështirë për ta shkarkuar Metën, por ai politikisht është i marrë fund, bashkë me të edhe grupimi i LSI-së”, tha Andoni në Shqip.