Zgjedhjet e 25 prillit, Tabaku tregon sa raste ka çuar opozita në SPAK: Kemi kërkuar pavlefshmëri të rezultatit aty ku ka patur shkelje madhore

Jorida Tabaku, deputetja e Partisë Demokratike është shprehur në një interviste se opozita do të vazhdojë me hetimin dhe se do të vendos para drejtësisë këdo që ka shkelur ligjin, cënuar zgjedhjet e lira dhe të ndershme.

Më tej ajo shtoi se kanë çuar mbi 50 raste në SPAK dhe 130 të tjera në prokuroritë e rretheve. Nisur nga kjo PD kërkon pavlefshmëri të zgjedhjeve.

Deklarata e Tabakut:

“Partia Demokratike ka deklaruar që në ditën e parë se do të vazhdojë me hetimin dhe të vendoset përpara drejtësisë kushdo që ka shkelur ligjin, këdo që ka cenuar zgjedhjet e lira dhe të ndershme.

Ne kemi çuar mbi 50 raste në SPAK dhe 130 raste në prokuroritë e rretheve nga njëra anë dhe nga ana tjetër kemi kërkuar pavlefshmëri të rezultatit aty ku ka patur shkelje madhore”, tha ajo.