“Kësaj here është shumë i ekspozuar”, juristi i njohur shqiptar tregon si do të shkarkohet Presidenti Meta

Juristi Jordan Daci i ftuar në emisionin ‘Zgjedhje 2021’ komentoi nismën e PS-së për shkarkimin e Presidentit Meta.Daci shpjegoi se si mund të arrihet deri në shkarkimin e presidentit Meta. Sipas tij, Meta kësaj radhe është më i ekspozuar se herën e parë për tu shkarkuar.

Deklarata e Dacit:

“Rregullorja kërkon ngritjen e një Komisioni Hetimor dhe ligji i Posaçëm për Komisionet Hetimore parashikon që katër muaj para përfundimit të mandatit të Parlamentit aktual, pra Parlamenti nuk mund të ngre komision. Teorikisht dhe formalisht kanë të drejtën të ngrenë Komision Hetimor dhe besoj ndryshe nga komisioni i më përparshëm janë gjithë treguesit që do e çojë në fund kësaj here shkarkimin. Pastaj do jetë Gjykata Kushtetuese që do vendosë, nëse ka bërë shkelje apo jo, por unë personalisht mendoj që kësaj radhe presidenti është shumë herë më tepër i ekspozuar ndaj mundësisë së shkarkimit sesa herën e më përparshme. Sepse herën e parë, diskutimi ishte shumë parimor, ishte për mendimin tim një abuzim, ndërsa kësaj radhe gjykoj që disa qëndrime publike dhe disa veprime apo deklarata, mendoj se nuk i përshtaten institucionit të Presidentit.”, u shpreh ai.