Shqiptarët në zgjedhjet e 25 prillit krahas partive politike, mund të votonin edhe kandidatin e tyre të preferuar, ose thënë ndryshe u krijua mundësia që një kandidat pavarësisht renditjes në listën e partisë që e përfaqësonte mund të thyente herësin dhe të merrte mandatin e deputetit duke rrëzuar të fundit në listë që ka marrë mandatin.
Kryeministri Edi Rama është bërë kandidati i parë që ka thyer herësin e votave në Shqipëri, pavarësisht se ai doli deputet edhe nga renditja në listë
Herësi i Partisë Socialiste në qarkun e Vlorës ishte rreth 7377 vota, por Rama ka arritur të marrë deri më tani mbi 10.000 vota personale.
Ndërkohë në të gjithë vendin vijon numërimi i votave të marra për secilin kandidat në zgjedhjet e 25 prillit.
Numri i deri tanishëm i votave për kandidat ka sjellë surpriza. Listën deri më tani e kryeson Taulant Balla i cili është shumë më para me vota edhe se vetë kreu i qeverisë Edi Rama.
Më poshtë ju sjellim 8 kandidatët nga PS dhe PD të cilët e kanë thyer herësin me vota deri më tani, pavarësisht se ata e kishin siguruar edhe më parë mandatin e deputetit.
Taulant Balla 12486 vota,
Edi Rama 11222 vota,
Niko Peleshi 10908 vota,
Saimir Hasalla 9843 vota,
Aurora Mara 9173 vota,
Flamuar Hoxha 9,159 vota,
Bledar Cuci 8834 vota,
Bledi Klosi 8210 vota.
Diskutime rreth kësaj post