“Garda e Vjetër” e Partisë Demokratike ka nisur tentativat për rrëzimin e Lulzim Bashës nga drejtimi i PD. Lideri demokrat reagoi dje pas të dhënave finale mbi zgjedhjet dhe nuk pranoi humbjen, ndërsa akuzoi qeverinë për trukim të rezultatit.
Basha foli për blerje votash e presione, ndërsa shumë kritikë të tij e cilësojnë këtë humbje si përgjegjësi të liderit.
Gazetari Mentor Kikia shprehet se PD-së nuk i duhet një magazinier, por i duhet një lider.
Kikia shkruan se për të mundur Ramën, duhet një anti-Ramë.
Reagimi i plotë:
“Po ne që nuk jemi anëtarë të PD-së, mund të kandidojmë për kryetar?
Në PD ka plasur gara e kandidatëve për kryetar(edhe pse kryetari s’ka në plan ta lirojë karrigen).
Shumicën prej tyre(ata që njoh) unë s’i kam parë fare në fushatë, duke konfirmuar kështu një dhunti të ne shqiptarëve, që vdesim vetëm për një “copë magazinë”, në këtë rast për një copë kryetar.
Gjithashtu, ka nisur edhe listimi i atyre që të tjerët mendojnë se mund të bëhet kryetar, dhe për këtë po u referohen votave që kanë marrë në kutitë e para. Edhe pse akush nuk ua ka dëgjuar timbrin e zërit. Mbetet që të shënojnë emrin edhe ata që nuk janë anëtarë të kësaj partie.
Por të gjithë bashkë harrojnë se kryetar, e aq më shumë lider, nuk të bëjnë, por kryetar dhe lider bëhesh. Bëhesh me atë që demonstron, me idetë që hedh, më karizmën që tregon, me karakterin dhe forcën e tij që shpalos, me aftësinë që tregon për të motivuar qytetarët, me aftësinë që ke për të frymëzuar turmat e njerëzve etj.
PD-së nuk i duhet një magazinier, por i duhet një lider!
Nuk i dihet një ilaç për të qetësuar nervat për të përballuar humbjen, por një vaksinë!
Për të mundur Ramën, duhet një anti-Ramë!”, ka shkruar Kikia.
Diskutime rreth kësaj post