Teoricieni Alfred Cako, i ftuar në studion e Breaking duke folur për zgjedhjet parlamentare, tha se shtimi i njerëzve në kutitë e votimit është një shenjë e mirë dhe u shpreh se rotacioni është i nevojshëm. Cako gjithashtu sqaroi pse tha ditë më parë në E Diell në Top Channel se Rama është i klonuar.
Deklarata e Cakos:
“Beteja është shumë e fortë, ndër më të fortat që ka pasur vendi. Si opinionist, them mendimin tim dhe them se ky precedent duhet të ndalohet, kur një drejtues vendi grumbullon të gjitha pushtetet, pra s’duhet të lihet të vazhdojë më shumë se 2 mandate. Kjo është gjë e mirë.
Se kuajt e karrocës që tërheqin ekzekutivin lodhen, plus Shqipëria renditet lart në vendet me korrupsion. Se ata që janë në pushtet e bëjnë korrupsionin, jo ata që s’kanë gjë në dorë. Këta janë njerëzit që kanë pasur mundësinë për të bërë korrupsion në të gjitha institucionet. Në 2013 kur erdhi PS në pushtet ka pasur një pjesëmarrje e vogël, ndërkohë duke pasur pjesëmarrje këtë herë, tregon se ka tendenca për ndryshim. Opozita ka dalë më shumë në media për të kërkuar votën te elektorati gri. Por s’duhen parë vetëm si vota për opozitën, por ndëshkim për qeverinë. Ajo që është vënë re përveç rritjes së votuesve, një fenomen i keq përveç pra tensioneve, është i përpjekjeve për blerjen e votës.
Edi Rama në trashëgimi nga e ëma ka një vertebër më shumë, nuk ka 33 si të gjithë, por 34, prandaj Rama ka pasur problem në shëndetin e tij tek shpina. Ka shumë mundësi që ai ka bërë një implant, se shpesh shkonte ndërronte gjakun, e bënte vazhdimisht. Prandaj pa implantimin si rrugëzgjidhje më të mirë, klonimin e shtyllës kurrizore. Për këtë e kam pasur klonimin,” tha Cako.
Diskutime rreth kësaj post