Publicisti Ilir Demalia duke folur për zgjedhjet që po mbahen sot, tha për Breaking se kurrsesi nuk mund të quhen të lira dhe demokratike. Sipas Demalisë, populli ka pranuar kulturën politike që ka instaluar politika.
Deklarata e Demalia:
“Këto zgjedhje duke pasur parasysh që zhvillohen në një vend si Shqipëria, e cila nuk ka një kulturë demokratike, i ka munguar shteti i së drejtës. Do me thënë duke hyrë në administratë mes korrupsionit, pra shteti nuk është parë kurrë si rregullator për shoqërinë, se është vetë shteti që ka sjellë këtë kulturë, dhe është shoqëria që e ka pranuar këtë kulturë.
Klasa politike nuk ka mundur të zhvillojë një sistem politik të konsoliduar për të zhvilluar kulturën politike, por e ka mbajtur në këto shtrëngesa të një politike acaruese siç është ajo përça dhe sundo.
Se po të ishte një gjendje normale, secili voton atë që dëshiron, dhe nuk do kishte pse të ishin këto deklaratat, jo po do fitojmë ne. E të thuash që këto zgjedhje janë të lira, dhe pastaj t’i vësh fjalën demokratike, do të thotë të tallesh me veten dhe me njerëzit. Por shqiptarët e dinë, për këtë arsye po largohen nëpër botë. E turpshme që shqiptarët pas 30 vitesh nga sistemi brutal, të arrijnë të kapen me njëri-tjetrin për agallarët e politikës,” tha Demalia.
Diskutime rreth kësaj post