Partia e Lëvizjes Socialiste për Integrim (LSI), ka hedhur poshtë lajmin se komisionerët e kësaj force politike kanë braktisur detyrën dhe i janë bashkuar Partisë Socialiste (PS). LSI Devoll shkruan se rilindjen e ka kapur paniku i humbjes prandaj sponsorizon lajme të rreme.
Reagimi i LSI Devoll:
“Rilindja në Devoll e kapur nga paniku i humbjes së thellë sepse do të dalë forcë e tretë sponsorizon lajme të rreme. Të gjithë komisioneret e LSI janë në krye të detyrës. Lajmi se komisionerët e LSI-së kanë braktisur detyrën: Burime pranë KZAZ-së në Devoll bëjnë me dije se 12 komisionerë të LSI-së kanë braktisur këtë detyrë pak orë para procesit zgjedhor.
Të njëjtat burime thonë se komisionerët kanë paraqitur kërkesa me shkrim, ku thonin se për arsye familjare nuk mund të vijonin të ishin konisionerë në procesin zgjedhor.Nga ana tjetër, pohohet se vijon puna për zëvendësimin e tyre, gjë e cila nuk është aspak e thjeshtë në këtë situatë sidomos kur bëhet fjalë për parti opozitare apo komisionerë që duhen trajnuar brenda pak orësh.Burime pranë Partisë Socialiste pretendojnë se kanë kaluar në këtë parti, por jo si komisionerë.”-shkruan LSI.
Diskutime rreth kësaj post