Kandidati për deputet i PD-së, Ervin Salianji ka komentuar deklaratën e kryeministrit Edi Rama, ku ftonte që të bashkëpunonin me Bashën pas 25 prillit. I ftuar në ‘Frontline’ në ‘News24’ Salianji tha se kjo deklaratë ishte diversion për të hequr vëmendjen nga shqetësimet e qytetarëve dhe premtimet që s’i ka mbajtur.
Deklarata e Saljanit:
“Pasi është braktisur nga të gjithë qytetarët, po kërkon strehë. Streha e fundit e këtyre maskarenjve, është diversioni. Siç e ka thënë Basha sot, dhe në gjithë ndryshimet e PD, është se Rama nuk i shpëton dot qytetarëve me largimin masiv, dhe as përballjes me drejtësinë. Të tjerat janë banalitete. Qytetarët duhet të shohin të tjera gjëra se sa lekë kanë në xhep, sa e kane rrogën, sa drita, ujë duhet të paguajnë. Mesa duket Edi Rama ia ka marrë dorën letrave ndaj burrave, e them për batutë, por është diversion për tërhequr vëmendjen nga problemet sociale.
Është taktike elektorale, por që nuk ka ça thotë. Ai e thotë për interes të vetë. Edhe thirrja është element për sigurimin e personazhit të këtij vetë. Nuk shoh as fije seriozitet, dhe nuk ka shpëtim. Do të përballet me drejtësinë. Ashtu siç e meriton çdo autokrat që ka abuzuar me qytetarët. Zoti Basha do të jetë kryeministër i Republikës e Shqipërisë me votat e shqiptarëve. Ajo që presin qytetarët është çlirim i PS nga një grup apo sekt 99. Kjo deklaratë është pa interes. Në 25 prill do të fitojë koalicioni i Partisë Demokratike.”, tha Salianji.
Diskutime rreth kësaj post