Ministri për Diasporën, njëherazi kandidat për deputet në qarkun e Tiranës, Pandeli Majko u shpreh mbrëmjen e djeshme në emisionin ‘Zgjedhje 2021’ se një rrezik real për Partinë Socialiste janë socialistët që nuk dalin për të votuar.
“PS e rrezikon marrëdhënia personale e qytetarit me strukturën shtetërore. Një pjesë e strutkurës shtetërore nuk mund të thuhet se funksionon me përgjegjësi politike, por në zbatim të ligjit. Në disa segmente ky qytetari përplaset për shërbimet dhe i vjen shpirti në majë të hundës, aty fillon mërzia. Kemi shqetësim më të madh njerëzit që na kanë votuar ne, por që nuk e kanë vendosur akoma për të dalë për të votuar.
Ky është një rrezik real. Nëse ai që na ka votuar, qëndron në shtëpi, nuk voton as për kundërshtarët, ky është një rrezik real. Nëse votuesi vetëshpallet i stresuar dhe qëndron në shtëpi. Kështu do të ngacmohej balanca mes mazhorancës dhe opozitës. Ne jemi parti e parë, kjo nuk diskutohet, ne po flasim që të kemi një qeverisje të qetë.”, – u shpreh Majko.
Diskutime rreth kësaj post