“Shkelje e shpifur e ligjit nga partia që ka kapur shtetin”, Ilir Meta i drejton thirrjen urgjente SPAK: Hetoni me shpejtësi (VIDEO)

Presidenti Ilir Meta ka reaguar nga qyteti i Pogradecit për vjedhjen e regjistrit të të dhënave personale të mbi 910 mijë qytetarëve.

Në një prononcim për mediat, Meta tha se kjo është një shkelje e papranueshme, e poshtër dhe e shpifur e një force politike që ka “kapur shtetin”. Presidenti tha se kjo qeveri vazhdon të shkelë ligjin, por shtoi se 25 prilli është afër.

“Drejtuar SPAK dhe institucioneve të drejtësisë për të hetuar me shpejtësi ngjarjen më të fundit, skandaloze atë të keqpërdorimit dhe të vjedhjes nga ana e PS në çdo lloj forme që kjo ka ndodhur të të dhënave personale të të gjithë qytetarëve shqiptarë, të dhëna që mbrohen nga ligji dhe që përdoren vetëm për interesin publik. Është një shkelje e papranueshme dhe e poshtër e çdo norme dhe çdo morali për të vendosur bazën e të dhënave personale në dispozicion vetëm një force politike, të asaj që ka kapur shtetin dhe që nuk pranon të lërë pushtetin dhe për këtë arsye përdor këto forma të poshtra dhe për këtë arsye iu bën presion qyt shqiptarë.

Koha që shqiptarët që kishin frikë nga qeveria ka mbaruar përgjithmonë, data e fundit ishte 2 marsi.”, – u shpreh Meta.

VIDEO: