Një takimi të organizuar sot nga Partia Demokratike me gra dhe vajza profesioniste në fusha të ndryshe i është bashkuar sot edhe gazetarja Fatma Haxhialiu.
Ajo shprehu nevojën për të votuar më shumë se kurrë në zgjedhjet e 25 prillit, pasi sipas saj, modeli i një lideri arrogant dhe bullizues duhet të hiqet nga politika shqiptare.
“Jam përfshirë në fushatë për shkak të arrogancës, gjuhës së fyerjes, modelit të liderit të shëmtuar që ne vazhdojmë ta kemi. Akoma sot duket sikur një njeri që është arrogant, edhe që është bullizues, dhe që është fyes, është një njeri që është i zoti për të udhëhequr. Ky është një model pastaj që transmetohet edhe në popull, por sa e tmerrshme është kur kjo vjen nga lart, poshtë.
Pra, kur kryetari, ai që simbolizon këtë vend, ka këtë gjuhë urrejtje dhe do ta përmend prapë Gridën tek fjalimi i shëmtuar i prezantimi të kandidatëve. Pra këtu punohet akoma për popull dhe për mendësi populisti të tipit që të bëjmë këtë batutën, të bëjmë “gangon”, ky stereotipi i çunit të fortë me lekë, ka pushtet.
Problemi më i madh në shoqërinë shqiptare për mua është mungesa e shtresës së mesme që është ndrydhur, është rrudhur, është bërë domethënë, nuk e di se sa e vogël është tashmë” – u shpreh Fatma Haxhialiu.
VIDEO:
Diskutime rreth kësaj post