Kryeministri Edi Rama, i shoqëruar nga kreu i Bashkisë së Tiranës, Erion Veliaj dhe Ministri për Rindërtimin, Arben Ahmetaj kanë qenë sot në Kamëz, nga ku pa nga afër punimet në kantierin e Kampusit të Universitetit Bujqësor, pas tërmetit.
Rama tha se po ndërtohen 8 godina të reja për 2200 studentë, të cilët do të jetojnë në kushte optimale si në konviktet më cilësore në Europë.
Sipas Ramës, e gjithë Shqipëria është kthyer në një kantier ndërtimi, me projektet që vijojnë.
Deklarata e Ramës:
“Ky kantier është si Shqipëria sot dhe ne duam që të përfundojë dhe pyetja në 25 prill është: Do vazhdojmë ta çojmë deri në fund, apo do ndalemi dhe do kthehemi mbrapa? Ky nuk është një kantier ku sot mund të vijnë të gjithë e të banojnë të lumtur, por është një kantier që preket qartësisht që e ardhmja është këtu dhe e ardhmja po ndërtohet këtu”, tha Rama.
Diskutime rreth kësaj post