Paloka flet për një fitore të thellë: Kjo nuk do të ishte fare rezultat befasues. Ju tregoj surprizat që do sjellë ky qytet

Edhe pak ditë na ndan nga zgjedhjet parlamentare të 25 Prillit. Nënkryetari i PD-së dhe njëkohësisht drejtuesi politik në Qarkun e Durrësit, Edi Paloka i ftuar këtë të enjte në emisionin PolitikOn nga Alfred Lela në RTV Ora u shpreh i sigurt për marrjen e 8 mandateve nga opozita.

Por sipas tij, PD po lufton për marrjen e 8 mandateve dhe nuk do të ishte aspak surprizë nëse rezultati do të dilte 9 me 5 në favor të opozitës.

Paloka: 8 me 6 si opozitë ta ve bastin tani në vend. Unë realisht luftoj dhe mendoj që nuk është çudi që ne si PD të marrim 8 dhe LSI sigurisht të bëjë pjesën e vetë. 9 me 5 në favor të opozitës nuk do të ishte fare rezultat befasues.