Zana Krasniqi ka qenë një nga modelet më të përfolura vite më parë dhe sa herë shfaqej në publik gjithmonë tërhiqte vëmendjen me bukurinë e saj natyrale. Në vitin 2008 ajo u shpall “Miss Universe Kosova” dhe më pas përfaqësoi vendin e saj për herë të parë në “Miss Universe”, ku u rendit ndër 10 vajzat më të bukura.
Mirëpo që prej asaj kohe Zana nuk ka qenë më aktive në fushën e modelingut dhe publiku ja ka ndjerë gjithmonë mungesën.
Por sot Arbana Osmani është bërë nostalgjike dhe ka kujtuar një nga momentet e rralla që ka ndarë me Zana Krasniqin.
Moderatorja ka publikuar në Instagram një foto të realizuar rreth 15 vite më parë, kur Zana ishte në qendër të vëmendjes mediatike. Arbana ka treguar se ajo ka qëndruar në një dhomë hoteli me Zanën dhe në foton e vjetër të dyja shfaqen shumë të lumtura bashkë.
“Unë dhe Zana Krasniqi në dhomën tonë të hotelit përafërsisht 15 vite më parë”, ka shkruar Arbana.
Këtë foto e ka ripublikuar edhe Zana, që ka shkruar: “Oh Zot çfarë kujtimi i bukur. Më mungon buzëqeshja jote”.
FOTO:
Diskutime rreth kësaj post