Kryebashkiaku Veliaj ceku atë qe mbetet ende e pathënë për Edi Ramën nga jeta e tij jo politike, apo ndryshe e pazbuluar, siç ka zbuluar disa aspekte të tjera. Bëhet fjalë për periudhën e sëmundjes të të birit, Gregut, më shumë se dhjetë vjet më parë, gjatë kohës kur drejtonte edhe Bashkinë e Tiranës, e njëherësh dhe PS-në.
Në publik ai s’ka përcjellë asnjë shenjë të asaj që konsiderohet privatisht se një prej kohëve më të vështira të tij.
“Unë e njoh shumë mirë Edi Ramën. Kur e shoh që shkon te ata djemtë në spital pas tërmetit, nuk e njoha atë ditë dhembshurinë e tij, e njoha kur pati djalin e vet sëmurë…”, – tha Veliaj gjatë një interviste televizive.
Siç dihet, por jo shumë imtësisht, i biri rezultoi më sëmundje të keqe, ku kurimi i është bërë në SHBA. Po privatisht dhe kurrë publikisht, ka qenë një moment që mjekët kanë llogaritur jetëhumbjen e tij edhe pse ka patur shpresa për shërim. Ka ndodhur më pas kjo e dyta. Ky përjetim më pas, nga një rrethanë e caktuar, ka çuar dhe në vendimin e vitit 2011 për ndërtimin e Xhamisë së Madhe në Tiranë.
Diskutime rreth kësaj post