Sezoni i ri i emsionit të njohur të humorit “Portokalli” startoi mbrëmjen e 14 marsit në televizionin “Top Channel”.
Ashtu siç u njoftua, në moderimin e këtij programi do të ishte Fjoralba Ponari në krah të Salsano Rrapit, e cila ia doli me sukses të përshtatej me këtë format që në natë të parë. Komplimentat drejtuar moderatores së re të emisionit ishin të panumërta, teksa Fjoralba mori edhe “bekimin” e ish-moderatores së këtij emisioni, Xhemi Shehut.
“Suksese, e meriton”, ka shkruar Xhemi në foton e Fjoralbës, duke e uruar dhe përgëzuar për perferomancën e saj.
Fjoralba fitoi simpatinë e të gjithëve, por atë s’do ta shihnim në “Portokalli” po të mos ishte për Argjira Spancën, kolegen dhe mikeshën e saj më të mirë.
Argjira ishte ajo që e bindi Fjoralbën në moment të fundit të merrte pjesë në audicionet e programit, siç tregon edhe vetë Fjoralba.
“Si shkove në audicionet e “Portokallisë” kur kishe dyshime?”- i shkruan dikush, ndërsa moderatorja tregon:
“Insistoi Argjira Spanca që të mos e humbisja si mundësi. Jam paraqitur ditën e fundit të audicioneve, 3 ditë para fillimit të spektaklit”, tregon ajo.
Më herët, Fjoralba ka treguar se nuk mendonte kurrë se do të bëhej pjesë e “Portokallisë”, por bordi drejtues e kishte bindur.
Diskutime rreth kësaj post