Ish-ministri i Drejtësisë Ylli Manjani kërkon që Struktura e Posaçme AntiKorrupsion (SPAK) të ndërhyjë në ratin “Bechetti” ku Shqipëria detyrohet të paguajë 110 milion Euro.
Sipas Manjanit, kjo strukturë është krijuar për raste të tilla, për të mbërthyer Kryeministrin, ministrat apo zyrtarët që janë në detyrë.
“Shpërdorimi i detyrës (abuse of poëer) është krijuar nga drejtësia penale dhe është shkruar në Kodin Penal si krim, pikërisht për një rast si kjo e Bechettit. Në fakt janë edhe disa raste të tjera tenderash pa garë dhe shkatërrime pasurie publike e private me pasoja të rënda. Por rasti “Bechetti” dallon shumë.
“Pasoja e rëndë” është ajo që dallon shpërdorimin e detyrës nga shkelja e rregullave ligjore si përgjegjësi adminiatrative.
Pasoja në këtë rast është të pakën 110 milion Euro. Pa llogaritur këtu pasojat katastrofike në shoqërisë demokratike në raport me median e lirë dhe lirinë e fjalës e shkatërrimit të konkurrencës së lirë…
SPAK-u u krijua me kompetenca të mbinatyrshme, pikërisht për të ndërhyrë në raste si ky. Për të mbërthyer Kryeministrin, ministrat apo zyrtarët që janë në detyrë.
Po të ishte për për pritur rezultatin e zgjedhjeve apo deklarimet e ambasadorëve, pra për të mbërthyer të rënët nga karrikja, mirë e kishim dhe e kemi prokurorinë e zakonshme…
Republikës së Shqipërisë i ka ardhur një pasojë e rëndë, një dëm financiar, tregëtar e demokratik, si rezulton i veprimtarisë së paligjshme të zyrtarëve të lartë qeveritarë. Kaq duhet të mjaftojë për të hetuar dhe tundur prangat. Çdo shtet do ta bënte këtë”, – shkruan Ylli Manjani.
Diskutime rreth kësaj post