Kryeministri Rama ka publikuar në rrjetin social Facebook, disa imazhe nga spitali i Fierit, ku vazhdojnë punimet për dorëzimin e tij përpara 25 Prillit. Ndër të tjera në këto pamje shihet edhe një pjesë e hollit hyrës të spitalit.
Duke ironizuar opozitën dhe deklaratat e saj mbi këtë spital, Rama shkruan: “Ja edhe hyrja e “stallës” që u verboi sytë e shthurri gojën komentatorëve të zjarrtë demokratikas këtu… Mos u mërzisni miq, Shqipëria nuk ndalet dhe kjo shumicë popullore që punon pa pushim, nuk ndalet; më e mira do bëhet edhe për ju demokratikasit, për familjet tuaja, për vendbanimin tuaj. Dhe do ta bëjmë ne, me punë e me durim”.
Kujtojmë se gjatë ditës së sotme, Kryeministri ka qenë në takime në qarkun e Fierit, ku ka inspektuar disa nga investimet që po kryhen nga bashkitë në Roskovec e Mallakastër.
Video:
Diskutime rreth kësaj post