Zgjedhjet e 25 prillit: Ambasadorit i BE flet në shqip, u bën thirrjen e fortë shqiptarëve

Ambasadori i Bashkimit Evropian në Tiranë, Luigi Soreca iu është drejtuar shqiptarëve me thirrjen që të marrin pjesë në zgjedhjet e 25 prillit 2021.

Në një aktivitet për Erasmusin nga Universiteti Bujqësor i Tiranës, Soreca tha se të gjithë duhet të ushtrojnë të drejtën e tyre për të zgjedhur dhe për të vendosur.

“Ju bëj thirrje që të votoni, të ushtroni të drejtën që keni për të hedhur votën tuaj, pra merrni pjesë, kjo është e drejta juaj, por edhe një përgjegjësi që ju keni. Mos e lini mënjanë, por përdoreni atë dhe siç thoni ju në shqip “ti vendos. Së pari që Shqipëria ka qenë vend dhe vazhdon të mbetet pararojë në rajon, ka qenë vendi i parë në rajon që u bë pjesë e programit të Erasmus. 8 mijë studentë dhe akademikë shqiptarë kanë shkuar në BE dhe 5 mijë akademikë dhe studentë kanë ardhur në Shqipëri.” – tha Soreca.