Zëvendëskryeministri Erion Braçe ka deklaruar se Partia Socialiste synon të fitojnë 11 mandate në qarkun e Fierit, nga 16 që ka në total.
Numri dy i qeverisë thekson se Partia Socialiste në zgjedhjet e 26 prillit fiton mbi 70 mandate.
“Fiton PS mbi 70 mandate. Unë kam objektiva , nuk kam pritshmëri. Unë luftoj për 11 mandate në Fier. Ai është objektivi minimal, 10, Gramoz Ruci zgjodhi vetë të jetë në vijnë e zjarrit. Objektivi ynë i qartë është 11 mandate dhe jam i bindur për këtë”, tha ai.
Ai kritikoi takimin e dijshëm të krye demokratit Lulzim Basha në Fier, i cili sipas tij, gjatë takimeve po rrezikon shëndetin e qytetarëve për shkak të pandemisë.
“Pritja e Bashës ishte kriminale, sepse qarku i Fierit është qarku i dytë pas Tiranës për numrin e infektimeve dhe të vdekurve”, tha ai.
Diskutime rreth kësaj post