Zv.Ministri i Mbrojtjes, Petro Koçi, i cili kandidon për deputet në listat e PS-së për qarkun e Fierit, është i bindur se socialistët do të triumfojnë në zgjedhjet e 25 prillit.
I ftuar mëngjesin e sotëm në emisionin ‘7pa5’, Koçi tha se krahasuar me listat e kundërshtarëve, kandidatët e PS janë dinjitozë.
“Është një vlerësim i madh, një mirënjohje e drejtpërdrejtë për kryeministrin. Përtej konfliktit të interesit se unë jam pjesë e listës, është një listë fituese, dinjitoze, përballë listave të PD-LSI. Ka avantazhe të mëdha, krijojmë një avantazh të thellë përballë kundërshtarit. Emrat janë me përvojë parlamentare, shtetërore, politike dhe në marrëdhënie me elektoratin. Emri im në atë listë është një nder i veçantë.”, – u shpreh zv.ministri.
Gjithashtu Petro Koçi, që është i dyti në listën e Fierit, numëroi punët që sipas tij, PS ka bërë në Fier dhe nuk nguroi të shprehte edhe vlerësimet e tij për kryeministrin Edi Rama.
“Nuk ka një të dytë si ai përsa i përket shpirtit punëtor. Sa të gdhihet dita, të nisë burri me punët dhe deri në mesnatë, në kantiere, me shumë dinjitet dhe fitimprurje. Ky është modeli punëtor i Edi Ramës.” – tha ai.
Diskutime rreth kësaj post