Deputetja opozitare, Rudina Hajdari shpërtheu sot në Kuvend ndaj qeverisë Rama, teksa pritet të miratohet projektligji për sigurimin e vaksinave të certifikuara nga rregullatorë lokalë.
Hajdari u shpreh se në 30 vite, klasa politike në vend nuk u ka siguruar shqiptarëve minimumin, që janë uji, rrugët dhe energjia elektrike.
“Ju akoma s’keni mbaruar themelet, e doni të vazhdoni me çatinë e Shqipërisë. Në këto 30 vite nuk keni siguruar as minimumin për shqiptarët. Ato që janë më elementaret, ujë, rrugë, dhe energji elektrike. Hajdeni shkojmë pas kësaj seancës dhe vizitojmë fshatrat e Elbasanit”, – tha Hajdari.
Duke folur si kandidate për deputete të Elbasanit, Rudina Hajdari u shpreh se fshatrat e këtij qarku janë të harruara dhe se banorët e tyre janë aq të zhgënjyer sa prej vitesh refuzojnë që të votojnë.
“Që në kohën e Enverit nuk kanë hedhur asnjë kovë zhavorr. A nuk iu vjen turp? Më takon të flas në këtë mënyrë se duhet ta kishit bërë me kohë këtë gjë. Shqipëria do bëhet! Nuk do mbajmë kusurin e mashtruesve dhe legenave që nuk kanë bërë asgjë. Këta jeni ju,.Fshatra të harruara, prej dy palë zgjedhjesh refuzojnë të votojnë. Sa herë që shkojnë politikanët rrafin gjoksin e thonë do u bëj rrugë, e nuk hedhin asnjë grusht zhavorr. Në Çermenikë sot nuk ka ujë të pijshëm. Uji i lumenjve është futur në tuba e koncesione.”, – tha Hajdari.
Diskutime rreth kësaj post