“Ronaldo është mbreti, Juvja dështon prej 25 vitesh në Champions”, Kasano: Nuk janë si Milani, në Itali fitojnë sepse kanë para

Ish-sulmuesi italian, Antonio Kasano ka mbrojtur Kristiano Ronaldon, i cili është vënë në qendër të kritikave, pas eliminimit të Juves nga Liga e Kampioneve. Kasano ka thënë se portugezi është mbreti i këtij kompeticioni, duke thënë se problemi është te Juvja, që dështon në Champions prej 25 vitesh.

Reagimi i Kasanos:

“Jam i kënaqur kur shikoj dyshime për Kristiano Ronaldon, i cili e ka fituar Ligën e Kampioneve 5 herë dhe është golashënuesi më i mirë në historinë e kompeticionit. Të gjithë duhet të kuptjnë se Ronaldo dhe ekipet ku ai luan, janë dy gjëra të ndryshme.

Ai është mbreti i Champions-it, Juventusi dështon në Champions prej 25 vitesh. Nuk ka statusin e Bajernit, Liverpulit apo edhe të Milanit. Fitojnë në Itali sepse kanë shumë para, por kjo nuk funksionon në Europë. Pa një traditë fituesi, duhet të presë si rasti tani 25 vite ose më shumë për trofeun.”, tha Kasano.