Kryebashkiaku Erion Veliaj ironizoi sot Lulzim Bashën, i cili përmes një video live nga makina e tij luksoze “Range Rover”, deklaroi se është bllokuar në trafik për shkak të punimeve në Unazën e Re. Duke folur për ABC News, Veliaj tha se Basha nuk do të kishte mbetur në trafik nëse PD-ja nuk do t’i kishte bllokuar punimet tek unaza për 3 vjet me radhë.
Veliaj shtoi se Lulzim Basha e shiti protestën tek unaza sapo mori një makinë, sikurse bëri edhe me protestën tek Rruga e Kombit, të cilën e la në mes sapo mori katin e parë të një hoteli për kunatin e tij.
“Pashë Lulin që tha kam ngelur në trafik. Po s’do kishte ngelur në trafik nëse nuk do e bllokonte për 3 vjet atë projekt. Po kur e le protestën te Astiri se mori makinë, aty pastaj vjen erë e keqe shumë, është një hipokrizi shumë e madhe. Kur ti thua ne shkrihemi këtu si parti për Rrugën e Kombit dhe pastaj tek hoteli në Bulevard merr katin e parë për kunatin, kjo është gjithashtu një hipokrizi, e madhe. Kur je komplet i pacipë dhe vjen për të aplikuar për vilën e pestë në bashkinë e Tiranës, atëherë siç thotë ajo shprehja tironse “përtej turpit, çdo gjë është rehat”, është bërë për këta. Ata përtej turpit e kanë çdo gjë dyst.
I kanë prerë biletat për në Holandë dhe për në Angli respektivisht. Kurse ne do të jemi këtu. Kur ata të kapin avionin e fundit për në Hollandë, ne do të jemi prapë këtu. Në datë 26 prill vijon puna për çerdhet, kopshtet, shkolla, për lagjen Kombinat, për lagjet në Farkë, për lagjet në Zall Herr – Ky është misioni ynë, që të vazhdojmë të punojmë. Misioni i tyre është që ta provojnë bingon dhe njëherë, por nuk do iu dalë, se nuk është me bingo, është me punë”, – tha Veliaj.
Diskutime rreth kësaj post