Kryeministri Edi Rama teksa prezantoi ekipin e kandidatëve për deputet në Vlorë, nuk la pa ‘thumbuar’ edhe Presidentin Ilir Meta.
Një nga kandidatët e PS për Vlorën është Ilir Metaj dhe me ironi Rama u shpreh se dhe Meta i Tiranës e ka mbiemrin Metaj pavarësisht se thotë Meta.
“Është një nga fosilet e PD. Si mund t’i thuhet Vlorës për njerëz që nuk banojnë këtu. Kush do qëndrojë këtu dhe do të dëgjojë hallet e njerëzve? Kush? Cili? Asnjë banor Vlore, i kanë futur tek 17 për t’ju thënë se jeni dhe ju. Edhe sikur lista e tyre të ishte pak më serioze.
Në Vlorë nuk duhet votuar majtas, djathas. Duhet votuar drejt. Do të thotë të votosh për Vlorën. Jemi mekanizëm, jo qëllim. Vota jepet për qëllimin, duke vënë në funksion mekanizimin e duhur. Si mund të merret ajo makinë pa rrota, me ngjyrë blu për të vijuar këtë rrugëtim. Në mbyllje unë dëshiroj ta theksoj shumë qartë që të gjitha komunitetet e kanë në këtë skuadër njeriun e tyre.
Pranvera është në listën e Vlorës si rezultat i një kërkese të gjerë. Përballë kemi një hata të madhe. Edhe të lënduarit, kemi Ilir Metën e vërtetë këtu tani. Se edhe Ilir Meta i Tiranës, Metaj e ka por thotë Meta. Gjithkush mund të gjejë atë që e përfaqëson. Kështu që duke falenderuar edhe njëherë Damianin dhe Anduelin dhe të gjithë ju për punën e madhe që është bërë për ta organizuar këtë skuadër.”, – u shpreh Rama.
Diskutime rreth kësaj post