Presidenti Ilir Meta teksa ka publikuar një raport të fondacionit ‘Heritage’, sipas të cilit Shqipëria ka rënë 9 vende për renditjen për lirinë ekonomike ka dalë me një mesazh të fortë.
Meta teksa ngre alarmin, nuk iu ndahet kërcënimeve ndaj qeverisë dhe bën thirrje për referendum.
“Shqipëria, sipas raportit të fondacionit prestigjoz botëror “Heritage”, ka rënë nëntë vende më poshtë në renditjen për lirinë ekonomike, krahasuar me një vit më parë.
Kjo rrëshqitje e frikshme në pikiadë e lirisë ekonomike, është pasojë e drejtpërdrejtë e cenimit brutal të të drejtave të pronësisë dhe mosfunksionimit të sistemit gjyqësor.
Ky raport thellësisht negativ konfirmon qëndrimet e vazhdueshme publike, që kam shprehur edhe me dekrete, në mbrojtje të konkurrencës së lirë.
Ndaj është urgjente çkapja e shtetit, Kuvendit, Qeverisë dhe e pushtetit gjyqësor nga oligarkët dhe interesat okulte.
Referendumi i 25 prillit është një mundësi historike për të nxjerrë nga “intubimi” edhe lirinë ekonomike, krahas të gjitha lirive të tjera, që gëzojnë qytetarët në një vend plotësisht europian.”, – shkruan Presidenti Meta.
Diskutime rreth kësaj post