Kryeministri Edi Rama ndodhet në Itali ku ka marrë pjesë në ceremoninë e përkujtimit të 30-vjetorit të fillimit të emigracionit shqiptar drejt Puljas, në Këshillin Rajonal të Puljas.
Kreu i qeverisë ka vlerësuar mbështetjen që Italia ka dhënë gjatë gjithë këtyre viteve për Shqipërinë, duke e cilësuar vendin fqinj si “engjëll mbrojtës”. Kryeministri ka ndarë një histori të veçantë sesi një politikan i huaj nuk pranonte të futej në Tiranë, ndërsa kërkonte forca të shumta sigurie. Sipas kryeministrit për Shqipërinë ka pasur paragjykime të mëdha.
Kreu i qeverisë theksoi se Italia ka bërë avokaten në të gjitha sallat kur Shqipëria është nën akuzë.
Deklarata e Ramës:
“Para disa kohësh mora një mesazh nga përgjegjësi i zonës VIP në aeroportit të Tiranës, një mesazh urgjent dhe mendova mos kishte dnonjë bombë apo zjarr. Nuk ksiha folur kurrë me këtë person. Më thotë kemi një situatë të jashtëzakonshme. Është një VIP që nuk do të vijë në Tiranë. Ka ardhur i shoqëruar ms policë dhe gazetarë, refuzon të dalë nga aeroporti sepse do të shoqërohet nga makina të blinduara dhe njerëz të armatosur. Nuk po ju thek kush është, por është politikan i rëndësishëm i një vendi të rëndësishëm. Nuk do të duhej të paktën një koncept paraprak të ishte dikush me paragjykime kaq të mëdha.
I them këtij personit, a janë aty shërbimet që shoqërojnë VIP-a? Ata janë të armatosur por zotëria nuk e quan pistoletën një armë të rëndësishmne për tu futur në Tiranë, i thashë atij, ne nuk i ofrojmë atij shërbim si të futet në Kandahar. Nuk ndodhet në Rripin e Gazës. Pas debatit të nesërmen nuk di nëse ai e dinte që unë e dija këtë situatë.
Më tha dua t’ju kërkoj falje, sepse unë kam udhëtuar shumë. Kam parë shumë vende e quaja veten si dikë që nuk mund të bindte, sikurse më ndodhi në një vend siç e prisja. Sepse Shqipëria nuk ka të bëjë fare me atë që unë përfytyroja. Mos u bëj merak kjo u ndodh të gjithëve nga ajo që vijnë nga pjesa e ftohtë e Evropës. unë bëra një xhiro në Tiranë, ku është jeta e natës dhe nuk pashë asnjë grua të mbuluar. I thashë, nuk ka gra të mbuluara, ka vajza myslimane që vënë shami por gra të mbuluara nuk ka. Pastaj më thotë dhe shkova në ministrinë e Brendshme sot dhe flisnin anglisht sot në ministrinë tuaj.
I thashë se nëse ju jeni të befasuar deri në këtë pikë gjithçka do të jetë surprizë për ju nuk e mendonit se do të gjenit një kryeministër dy metra në Shqipëri. dhe i thashë tregojani publikut tuaj. Unë i kalova një mesazh nëpërmjet ambasadorit dhe i thashë. Kryeministri u gjet shumë i befasuar sepse ju nuk thatë asgjë nga e gjithë kjo dhe përgjigja e tij: më thotë më përshëndesni atë kryeministrin e madh unë jam i sigurt se inteligjent siç është do ta kuptojë. Kjo nuk është politika dhe nuk është arsyeja, por të mendosh se kjo është politika dhe të kesh aftësinë për të bërë politikë në ato nivele mund ti bësh dëm njerëzve dhe komuniteteve të tëra. Ky është muri që ne duhet të shembin në Europë.
Ky mur është një arsye tjetër për të cilën ne jemi gjithmonë mirënjohës Italisë. Italia është avokatja jonë në të gjitha sallat kur Shqipëria është nën akuzë”, tha Rama.
Video:
Diskutime rreth kësaj post