Kryeministri në një komunikim publik ka treguar çfarë është bërë për reformën në drejtësi, ku shtoi se puna sapo ka nisur.
“Mbase do çuditeni por kjo temë nuk është ekonomia. Më dëgjoni, këto zgjedhje lidhen me fatin e drejtësisë në Shqipëri për një kohë të gjatë pas 25 prillit. E di mirë që jeni lodhur, duke pritur drejtësi. Jeni lodhur me padrejtësisë që vazhdojnë për ata që ju mendoni se nuk meritojnë vend tjetër.
Sidomos për ata që kanë kostume dhe kravate dhe flasin e veprojnë nga maja të ndryshme dhe që duken të paprekshëm. Por kjo lodhje është sot këshilltari më i keq në rrugën për të arritur drejtësinë që duam. Nuk është punë e lehtë përkundrazi është puna më e vështirë. Nuk është një punë që bëhet shpejt, kërkon më shumë kohë, vendosmëri se çdo punë tjetër. Kjo punë ka nisur shumë pak vite më parë, këtë punë mos e harroni kurrë mund ta niste dhe mund ta bitisë nesër vetëm një forcë politike në këtë vend, Kjo e jona, PS. Mos e vini në dyshim dhe mos u zhgënjeni nga puna e drejtësisë.
Mos e harroni se çfarë iu desh të bënin partnerët tanë, dhe tërë kukullat e atij koalicioni që u firmos dy ditë më parë kundër drejtësisë. Për ti nxjerrë ata nga cadra e ngujimit, u dhanë vende në qeveri dhe poste në administratë, duke iu ardhur pas avazit vetëm e vetëm që të ktheheshin në kuvend e të votonin vetingun, e që vetëm pastaj të hynin në zgjedhje. Do thoni po mirë ikën 4 vite që kur ta dhamë timonin, po kush dreqin është futur në burg nga ata që ju i dini dhe unë i di”, – shprehet Rama.
Diskutime rreth kësaj post