Pas thirrjes së Presidenti Ilir Meta për vazhdimin e referendumit të 2 marsit 2020 më 25 prill 2021 ka ardhur reagimi i fortë i kreut të partisë Zgjidhja, Koço Kokëdhima.
Përmes një postimi në rrjetet sociale, Kokëdhima shkruan se Besëlidhja e Lezhës e 2 marsit 1444 është një datë historike dhe një shembull për të shpëtuar vendin nga zhbërja dhe shpërbërja. Mirëpo kur kjo datë përdoret nga politikanët e sotëm, sipas Kokëdhimës është një fyerje e madhe.
Ai paralajmëron se vetëm largimi i politikanëve që na drejtojnë sot, do të sjellë ditë të bardha për kombin tonë.
“Si sot 577 vite më parë, Gjergj Kastrioti arriti të bëjë bashkimin e parë politik, ushtarak dhe kombëtar të popullit shqiptar. Besëlidhja e Lezhës më 2 mars 1444 është jo vetëm një datë e shënuar historike, por edhe një shembull për të shpëtuar vendin nga zhbërja dhe shpërbërja.
Evokimi i këtij akti të lartë kombëtar të 6 shekujve më parë nga sulltanët e sotëm të politikës shqiptare është fyerje dhe çnderim i veprës së ndritur të heroit kombëtar dhe i aspiratave tona shekullore.
Vetëm largimi i tyre nga sundimi i vendit, përmes bashkimit të shqiptarëve, do të sjellë dita të bardha për kombin tonë.”, – shkruan Kokëdhima.
Diskutime rreth kësaj post