Rama e vuri në siklet, kandidati për deputet i PS i rritur jetim befason kryeministrin me përgjigjen e tij

Një nga kandidatët për deputet për zgjedhjet e 25 prillit të PS që u prezantua sot nga kryeministri Rama ishte edhe Alfred Muharremi, i cili vinte nga një familje e fëmijëve pa kujdes prindëror, ndryshe nga familja biologjike.

Ai rrëfeu në pak minuta se si ka shkuar jeta e tij deri në momentin që kandidon si deputet i Partisë Socialiste.Gjatë bisedës, Rama i kërkoi t’i tregonte hapur se cila ishte fjala më e keqe që ai kishte thënë mes shokësh për kryeministrin

“Nëse je në një mjedis shokësh pa kamera, me çfarë fjale më shan?”, e pyeti Rama.

“Si nuk the një herë të vetme që jetimët e këtij vendi, kanë nevojë patjetër për punësim, arsimim e strehim të garantuar nga shteti. Do doja shumë ta kisha një fjalë të tillë nga ana juaj, se unë përfaqësoj komunitetin tim”, tha ai.