Pas arritjes së marrëveshjes me kreun e republikanëve, Fatmir Mediu, kryedekomkrati Luzlim Basha zbulohet se ka zhvilluar dje një takim me Artur Roshin e Ballit Kombëtar Demokrat.
Sipas Report Tv, të dy palët ende nuk kanë arritur në një marrëveshje për një koalicion teksa bisedimet do të vijojnë.
Roshi ka qenë aleat tradicional i PD-së, por fakti që ky i fundit pranoi mandatin e deputetit pasi opozita vendosi djegien e tyre në 2019 i tensionoi marrëdhëniet mes tyre.
Ndonëse pranoi mandatin e deputetit, Balli Kombëtar Demokrat nuk mori pjesë në zgjedhjet lokale të 2019-ës.
Ndërkohë ditën e djeshme Basha ka finalizuar marrëveshjen me aleatët e tij, Fatmir Mediun dhe Agron Dukën për të dalë në një koalicion të përbashkët.
Por ata kanë një kusht, që logoja e partive të tyre të përfshihen në fletën e votimit. Mospërfshirja e emrave dhe logove në listën e votimit, sipas tyre është edhe një tentativë tjetër e mazhorancës për të manipuluar procesin, duke krijuar konfuzion te votuesi.
Diskutime rreth kësaj post