Ish-deputeti i Lëvizjes Socialiste për Integrim Edmond Haxhinasto deklaroi në Euroneës Albania se largimet e disa figurave nga partia ku ai aderon, kanë pasur ndikimin e tyre në elektorat.
Haxhinasto theksoi se partitë politike kanë një bazë të gjerë dhe është shumë e rëndësishme fryma e partisë.
“Nuk shoh asnjë lidhje si ndikon pandemia dhe largimin e ndonjë personaliteti, i cili ka të drejtën e tij për të zgjedhur dhe të angazhohet politikisht ku dëshiron. Unë mendoj që partitë politike kanë një bazë të gjerë, një profil të gjerë, përbëhen nga personalitete politike.
Nuk mund të thuash që nuk ndikojnë në ato zona ku kanë influencën e tyre, por besoj që partitë kanë në vetvete një dinamikë të gjallë. Partitë rriten zhvillohen, njerëz të rinj futen. Personat e caktuar ndikojnë, por ndikon edhe fryma”, – u shpreh ai.
Ai nënvizoi më tej se partitë politike janë tashmë në një moment ku faktorët si fryma e përgjithshme, programi, oferta politike dhe kredibiliteti do të jenë të rëndësishme për një rezultat zgjedhor pozitiv.
Diskutime rreth kësaj post