Kryedemokrati Lulzim Basha ka publikuar një video në rrjete sociale mëngjesin e sotëm, përmes së cilës akuzon Ramën se po aktron dhe po mashtron qytetarët.
“Keni falsifikuar firmën e sekretarit amerikan të shtetit për të fituar 20 milionë për 1 kilometër rrugë” – dëgjohet të thuhet në videon e publikuar nga Basha.
Ndërkohë vetë kryedemokrati vijon me thirrjen e tij për shqiptarët duke thënë se me 25 prill Rama do të humbë dhe Shqipëria do të fitojë.
“Për 8 vjet Rama solli vetëm dështime e dëme të mëdha. Më 25 prill Rama do të humbë e Shqipëria do të fitojë.” – shkruan Basha.
Teksti i videos:
“Kemi marrë goditje të rënda dhe jemi përballur me sfida të mëdha.
E di që disa prej jush jeni të pakënaqur, që nuk janë përmbushur të gjitha pritshmëritë e këtij mandati të dytë…
As unë s’jam i kënaqur. Jo sot, por asnjëherë. Por të mos harrojmë çfarë kemi hequr…
Ju keni hequr shumë në fakt,
Aq sa keni trefishuar pasuritë
Keni rritur taksat dhe borxhin publik.
Keni i shpërdoruar 1.2 miliardë euro të shqiptarëve.
Keni kriminalizuar politikën.
Keni kanabizuar vendin.
Keni kaluar Sirinë për numrin e azilkërkuesve.
Keni lënë Shqipërinë në vendnumëro.
Keni dhënë më shumë se 2 miliardë euro me PPP.
Dhe aty ku po aktron, keni falsifikuar firmën e sekretarit amerikan të shtetit, për të fituar 20 milionë euro për 1 kilometër rrugë.
Jo, nuk do të harrojmë.” – shkruhet në videon e Bashës.
VIDEO:
Diskutime rreth kësaj post