Tashmë në Kosovë janë numëruar mbi 450 mijë vota të qytetarëve. Sipas të dhënave nga KQZ e Kosovës, Vetëvendosja ka 48.28% të votave, më shumë se sa PDK, LDK e AAK bashkë.
Partia e Kurtit synon të kapë 50% të votave në mënyrë që të formojë e vetme qeverinë pa nevojën e një koalicioni.
Nga ana tjetër PDK, LDK e AAK ndodhen shumë poshtë saj me 18.07, 13.60 dhe 7.72% të votave. Ndërkohë mbeten ende dhe rreth 400 mijë vota të tjera për t’u numëruar.
Këto zgjedhje janë të parakohshme në Kosovë, pasi Gjykata Kushtetuese rrëzoi qeverinë Hoti në dhjetor. Edhe vitin e kaluar Vetëvendosje ishte në qeveri për vetëm disa muaj pasi koalicioni me LDK u prish. Tashmë Vetëvendosje synon që ta marrë e vetme qeverinë teksa në paktin parazgjedhor është lënë që kryeministër të jetë Albin Kurti e Presidente Vjosa Osmani.
Diskutime rreth kësaj post