Me anë të një postimi në rrjetin social, kryetari i Partisë Demokratike, Lulzim Basha, ka qenë i ashpër ndaj kryeministrit Rama. Basha i ka kërkuar të japë menjëherë dorëheqjen, duke iu drejtuar me një mesazh të fortë.
Ai i kërkon Ramës të marrë përgjegjësitë për dështimet dhe të japë dorëheqjen, pas për 8 vite Shqipëria nuk ka bërë as edhe një hap para.
Basha thotë se akuzat e Ramës ndaj tij tregojnë vetëm sjelljen prej humbësi të kryeministrit, ndërsa shton se ka ardhur koha që Shqipëria të ketë një kryeministër të vërtetë.
“Është qesharake se si njeriu që e ka lënë Shqipërinë prej 8 vjetësh vend numëro e nuk ka bërë as edhe një hap para, i lejon vetes të merret me mua, në vend që të marrë përsipër përgjegjësitë për dështimet e tij e të japë dorëheqjen.
Unë nuk kam ndërmend të bëhem pjesë e kësaj loje. Kjo është sjellja tipike e humbësit që akuzon këdo dhe nuk pranon asnjë përgjegjësi për vete. Shqiptarët janë ngopur me të dhe llojin e tij.
Para 8 vjetësh shqiptarët në vend të një kryeministri, morën një aktor estrade që e la Shqipërinë vendnumëro. Estrada e Ramës po ju kushton shqiptarëve shumë shtrenjtë. Ka ardhur koha që Shqipëria të ketë një kryeministër të vërtetë. Me 25 prill Rama humb dhe Shqipëria fiton”, – shkruan Basha.
Diskutime rreth kësaj post