Ish-deputetja Nora Malaj ka deklaruar se LSI synon të marrë 11 mandate në Tiranë në zgjedhjet e ardhshme të 25 prillit. Malaj tha se në total, preferon që LSI të fitojë 35 mandate, pasi sipas saj, kjo është e mundur.
“Më në fund, pas 22 viteve, u mendua nga LSI që të jem pjesë e Tiranës. Zona 10 është zona ku jam rritur e shkolluar. Mendoj që është zona që i njoh dhe i di problemet e komunitetit. Ka të bëjë me qasjen e problemeve tek njerëzit. Pritshmëria e LSI-së është e madhe. Kemi një program të ndarë me 5 pika ku do të organizojmë fushatën. Mendojmë që në Tiranë luftojmë për 11 deputetë. Unë them që në garë hyjmë për të fituar, jo si individë por si kauzë. Mendoj që individi ka një vlerë të jashtëzakonshëm, dhe besoj se në këto zgjedhje kemi një valencë të lartë të individëve se si i ofrohesh qytetarëve. Dëshira personale është që të arrijmë 35 mandate. Nuk janë të shumta për një parti të qendrës së majtë”, tha Malaj për Report Tv.
Lidhur me kandidimin e kryeministrit Rama në qarkun e Durrësit, Malaj deklaroi se prej kësaj zone, do të fillojë dhe ‘rrëshqitja’ e qeverisë në zgjedhjet e ardhshme. Malaj deklaroi se Rama do të marrë një goditje në brez në këtë qark.
“Durrësi është një nga qytetet me shumë problematika që nuk e meriton të jetë me i tillë me një qytetari të jashtëzakonshme. Nëse në Tiranë janë më të qarta dhe të konsoliduara gjërat, Durrësi është më ndryshëm. Është vendi ku beteja elektorale do jetë një nga sfidat e rradhës për deputetë. Durrësi është surprizues dhe kam një vlerësim për këtë qytet. Nuk jam në këtë qark, sidomos kur në garë është dhe kryeministri. Kryeministri do e ketë të vështirë, dhe kam frikë që do e marrë goditjen nën brez. E këshilloj të ketë kujdes, rrëshqitja do të fillojë nga Durrësi”, tha Malaj.
Diskutime rreth kësaj post