Gazetari Mentor Kikia është shprehur se përfshirja e të inkriminuarve në politikë nuk ishte aksidentale, por në sajë të vullnetit të kryetarëve të partive që zgjodhën të siguronin votat përmes të fortëve dhe të pasurve.
Sipas tij, mënyra se si politika shqiptare filloi dhe vazhdoi ta afrojë këtë lloj kontingjenti në mënyrë sistematike, lidhet me faktin se kishte nevojë për njerëz të fortë, ‘që ndesheshin për të vjedhur vota dhe njerëz me para për të blerë vota’.
“Këta garantonin votat, fitoren dhe kjo filloi t’u pëlqente kryetarëve të partive. Kjo logjikë u shndërrua në praktike dhe kulmoi në 2013 me futjen e deputetëve me rekorde të theksuara kriminale dhe daljen me pranga. Dekriminalizimi ishte kulmi i kësaj fatkeqësie se si degradoi politika shqiptare.
Të inkriminuarit nuk hynë me forcë në politikë, por u përthithën nga politika me dëshirë”, tha Kikia për Euronews.
Diskutime rreth kësaj post