U mbajt sekret nga Barcelona, Ansu Fati u operua në fshehtësi në janar

Futbollisti i Barcelonës Ansu Fati po kryen ende fazën e riaftësimit, pas dëmtimit të rënë që pësoi në gjurin e majtë në fillim të sezonit. Mirëpo, lajmet që vijnë nuk janë aspak të mira për sulmuesin spanjoll.

Sipas “Esport3” të kanalit televiziv katalanas “TV3”, gjuri i 18 vjeçarit nuk po e përballon mirë trajtimin dhe ai është operuar në fshehtësi të plotë për herë të dytë dy javë më parë. Një ndërhyrje e tretë nuk përjashtohet nga stafi mjekësor i klubit.

Koha e rikthimit në fushat e blerta, duket se do të zgjasë më shumë nga sa ishte parashikuar (mars).